Ynghylch

Cyflwynwyd canclwm Japan i’r DU o Japan yn y 19eg ganrif fel planhigyn gardd, ond ers hynny mae wedi sefydlu yn y gwyllt, gan ymledu ar hyd ymylon ffyrdd, glannau afonydd a thir diffaith. Mae’n chwyn ymledol sy’n tyfu’n gyflym, sy’n atal rhywogaethau brodorol eraill rhag tyfu, ac mae’n cael ei ddefnyddio yn aml i dynnu sylw at broblemau cyflwyno rhywogaethau estron. Mae llawer o sefydliadau, gan gynnwys yr Ymddiriedolaethau Natur, wedi ymrwymo i gael gwared ar y planhigyn ymledol yma er mwyn galluogi i’n bywyd gwyllt brodorol ffynnu.